काठमाण्डू, ३१ जेठः अर्थमन्त्री डा. स्वर्णिम वाग्ले अगिला पाँच सालमे युवाके अपन सपना पूरा करबाक लेल विदेश जेबाक बाध्यता अन्त्य होबाक बतौलैन अइछ ।
काठमाण्डूमे आइ आयोजित राष्ट्रिय युवा उद्यमशीलता सम्मेलन, २०८३ मे अर्थमन्त्री डा. वाग्ले अगिला सालके बजेटमार्फत युवाकेँ स्वदेशमे रोजगारी, शिक्षा आ अन्य अवसरके पर्याप्त अवसर सृजना करबाक बतौलैन । देशक युवाकेँ अपन सपना पूरा करबाक लेल विदेश जेबाक बाध्यता अन्त्य होबाक चाही कहैत ओ कहलैन, “आब ओहन स्थिति नै आबए तइ लेल जग बनेबाक हेतु बजेटसँ नीतिगत पहल सुरु कएने छी । बजेटक कार्यावंयनसँ ई आसान हएत ।”
देशभैरक युवा उद्यमीकेँ सम्बोधन करैत अर्थमन्त्री डा.वाग्ले करमे सहुलियत, बक्यौता उल्झनमे रहल उद्यमी आ व्यवसायीकेँ छुटके सहुलियत, सरकारी प्रशासनके डिजिटलाइजेसन आ सुशासनक एजेन्डा कार्यावंयनसँ देश निर्माणक नयाँ रस्तामे आगु बढ़बाक बतौलैन ।
बजेटमे करके दर घटा क एक लाख टकाधैर कमाएबला युवाकेँ महत्वपूर्ण सहुलियतसहित करके झन्झटसँ मुक्ति देल गेल हुनक कहब छलैन । अर्थमन्त्री डा. वाग्ले ओइके फाइदा लेबाक लेल सबकेँ आग्रह केलैन । बजेट बनाबैतकाल युवाके उद्यमशील सोच आ योजनाकेँ फैलाबैजका बेसी ध्यान देल गेल आ ओएह अनुसारक कार्यक्रम घोषणा भेल ओ बतौलैन । (रासस)
